النهاردة كنت راكب ميكروباص وشد انتباهي بنت بتتكلم بصوت عالي في الموبايل وبتقول للي بتكلمه .. "انا مش فاهمه يعني ايه يقول ننزل مليونية منستني الجيش الشهرين دول ولو ممشيوش ننزل مليونية" ..
بعد كده لقيتها بتقول "وبعدين كل ما يشوف حد يقوله خلاص كل واحد في الئتلاف بقي بيفكر في نفسه ومصلحته ومحدش مركز في مصلحة البلد هو ازاي فاهم انه هو اهم واحد في الائتلاف وانه هو بيحن علينا انه متفرغ للائتلاف انا خلاص معدتش هحضر اجتماعات للإتلاف ده تاني وهركز في مذاكرتي .. ولحدهنا المكالمة خلصت او انا محبتش اركز عشان المشهد اللي بعد كده
كان قاعد جنبي راجل كبير والبنت بصوت عالي بتتكلم قاعد يبصلي ويضرب كف كف.
بصراحة انا حسيت ان البنت دي يا اما بتمثل وهدف المشهد ده انها تسوء سمعة ومنظر شباب الثورة والائتلافات قدام الناس يا اما بتستعبط .. ففكرت اتحاور معاها
بداية الكلام سالتها حضرتك قريتي تدوينة " الفقراء اولا يا ولاد الكلب" قاتلي اه.
قولتلها مش شايفة بقي نبتدي نحسن صورتنا كشباب قدام الناس ونهتم بالعدالة الاجتماعية اللي الثورة دي قامت عشانها.
مش المفروض يبقي في مجلس شعب شرعي يمثلنا عشان يطلع يراقب الحكومة والمحاكمات واللي بيحصل في البلد دلوقتي
المهم من غير سابق انزار لقيتها احتدت في الكلام مرة واحدة وقعدت تقول الثورة والشهداء والمش عارف ايه
انتخابات ايه كل القوي الاحزاب اللي بتتكون كلها ممولة من الخارج وبتاع
طيب يا بنتي متعمميش اكدي في ناس كويسة
قالت : لا كلهم عملاء وممولين وانت لو كان ليك شهيد ولا اخوك مصاب مكنتش قولت كده
قولتلها اكيد لو ليا مصاب او شهيد مكنتش هبقي مبسوط انه حصله ده عشان شوية اللي بيقولوا عليهم نخبة يتخانقوا الدستور الاول ولا الانتخابات
الراجل اللي جنبي دخل في الحوار وقال الرشوة والفساد لسه موجود و كان مفيش حاجة حصلت وفعلا محدش مركز مع الفساد وكله بيرغي في حاجات مش مفيدة وبيتخانقوا في التافهه
كنت قربت انزل فحبيت اختم كلامي معاها وقولتلها من الاخر الثورة دي هتكمل لما نهتم بالبلد مش بالخناقات نهتم بالقفير والغلبان غير كده هنتلعن من كل الشعب وبدل مازمان كان بيتقال شباب سيس هيتقال الشباب اللي ضيع البلد.
الحكاية خلصت ومن كتر ما الحوار والموقف استفذني خلاني افكر اكتب تدوينتي الاولي (انا بقالي تقريبا 7 شهور بحاول اكتب مدونة)
تعليقي بقي :
انا سمعت ان في اكتر من 180 ائتلاف للثورة (يعني ده منطقي)
طيب نفسي اعرف هو ايه اوجه الاختلاف بينهم الموضوع بسيط الثورة ليها 3 طلبات رئيسية (تغيير - حرية - عدالة اجتماعية) وكل المطلوب من الائتلاف انه مؤقتا هيقوم بدور مجلس الشعب الرقابي في تنفيذ الطلبات دي طيب السؤال بيقول علل .. ليه بقي عدد الائتلافات دي كلها؟؟؟
بصراحة مش لاقي اجابة غير ان الاسلوب الوحيد عشان نضعف ونشل تاثير ائتلاف شباب الثورة اننا نعملهم اائتلافات كتييييييييييييير وبكده الحاكم والحكومة مش هيبقوا عارفين يسمعوا صوت مين فخلاص مش هنسمع من حد وبالتالي لو في مسالة كبيرة محتاجين الحكومة والمجلس العسكري يسمعوها لازم ننزل مليونية في التحرير ( اه صحيح كان نفسي ارد علي البنت في موضوع المليونيات وافهممها ان المليونية بتحصل لما الناس فعلا بتحس ان في حاجة غلط او تباطا وبتنزل انما هي مش خروجة واحد بيقول ياللا ننزل فننزل)
المهم انا بصراحة كنت ماشي في دوامة الفرخة ولا البيضة ااقصد الدستور ولا الانتخابات بس انا سمعت راي وائل خليل واقتنعت بيه ان لازم نسارع بانتخابات عشان يبقي في مجلس شرعي بيمثلنا (وسيبك بقي من فزاعة السلفيين والاخوان والله والله والله الشعب ده بيفهم ومفيش حد يعرف يوجهه ) لازم بقي يكون في مجلس يحاسب الحكومة يشوف ايه اخبار الموازنة العامة يتابع اجراءات المحاكمات يقترح اراء و ارائنا يوصلها عشان ننهض بالبلد دي . احنا خايفين ليه من الديموقراطية ليه كل اللي كانوا بيقولوا ديموقراطية ديموقراطية بقي بيقولوا نستني شوية الدستور نستني نعمل الرئاسية الاول انا مش فاهم ليه التاجيل
رااي المتواضع ان اللي بيخاف علي مصر وبيحبها يفكه بقي من الائتلاف والحوارات شوف مشروع من المشاريع التنموية اللي شغالة دلوقتي زي( مشروع تنمية العشوائيات و جامعة زويل وممر فاروق الباز) وابتدي اشتغل فيه حط فيه مجهودك افكارك او علي الااقل انشر الفكرة انما تفضل قاعد مكانك وتشتكي وتزعق وبس ده مينفعش
الشهيد يا سادة مات عشان البلد دي تنهض مش عشان نتخانق الدستور ولا الانتخابات ( مع ان ده طبعا خلاف مهم).
اخيرا بما اننا دولة دينها اسلامي والدين الاسلامي المصدر الرئيسي للتشريع احب تفعيل الحديث الشريف "من كان يؤمن بالله واليوم الاخر فليقل خيرا او ليصمت"
والله الموفق
بعد كده لقيتها بتقول "وبعدين كل ما يشوف حد يقوله خلاص كل واحد في الئتلاف بقي بيفكر في نفسه ومصلحته ومحدش مركز في مصلحة البلد هو ازاي فاهم انه هو اهم واحد في الائتلاف وانه هو بيحن علينا انه متفرغ للائتلاف انا خلاص معدتش هحضر اجتماعات للإتلاف ده تاني وهركز في مذاكرتي .. ولحدهنا المكالمة خلصت او انا محبتش اركز عشان المشهد اللي بعد كده
كان قاعد جنبي راجل كبير والبنت بصوت عالي بتتكلم قاعد يبصلي ويضرب كف كف.
بصراحة انا حسيت ان البنت دي يا اما بتمثل وهدف المشهد ده انها تسوء سمعة ومنظر شباب الثورة والائتلافات قدام الناس يا اما بتستعبط .. ففكرت اتحاور معاها
بداية الكلام سالتها حضرتك قريتي تدوينة " الفقراء اولا يا ولاد الكلب" قاتلي اه.
قولتلها مش شايفة بقي نبتدي نحسن صورتنا كشباب قدام الناس ونهتم بالعدالة الاجتماعية اللي الثورة دي قامت عشانها.
مش المفروض يبقي في مجلس شعب شرعي يمثلنا عشان يطلع يراقب الحكومة والمحاكمات واللي بيحصل في البلد دلوقتي
المهم من غير سابق انزار لقيتها احتدت في الكلام مرة واحدة وقعدت تقول الثورة والشهداء والمش عارف ايه
انتخابات ايه كل القوي الاحزاب اللي بتتكون كلها ممولة من الخارج وبتاع
طيب يا بنتي متعمميش اكدي في ناس كويسة
قالت : لا كلهم عملاء وممولين وانت لو كان ليك شهيد ولا اخوك مصاب مكنتش قولت كده
قولتلها اكيد لو ليا مصاب او شهيد مكنتش هبقي مبسوط انه حصله ده عشان شوية اللي بيقولوا عليهم نخبة يتخانقوا الدستور الاول ولا الانتخابات
الراجل اللي جنبي دخل في الحوار وقال الرشوة والفساد لسه موجود و كان مفيش حاجة حصلت وفعلا محدش مركز مع الفساد وكله بيرغي في حاجات مش مفيدة وبيتخانقوا في التافهه
كنت قربت انزل فحبيت اختم كلامي معاها وقولتلها من الاخر الثورة دي هتكمل لما نهتم بالبلد مش بالخناقات نهتم بالقفير والغلبان غير كده هنتلعن من كل الشعب وبدل مازمان كان بيتقال شباب سيس هيتقال الشباب اللي ضيع البلد.
الحكاية خلصت ومن كتر ما الحوار والموقف استفذني خلاني افكر اكتب تدوينتي الاولي (انا بقالي تقريبا 7 شهور بحاول اكتب مدونة)
تعليقي بقي :
انا سمعت ان في اكتر من 180 ائتلاف للثورة (يعني ده منطقي)
طيب نفسي اعرف هو ايه اوجه الاختلاف بينهم الموضوع بسيط الثورة ليها 3 طلبات رئيسية (تغيير - حرية - عدالة اجتماعية) وكل المطلوب من الائتلاف انه مؤقتا هيقوم بدور مجلس الشعب الرقابي في تنفيذ الطلبات دي طيب السؤال بيقول علل .. ليه بقي عدد الائتلافات دي كلها؟؟؟
بصراحة مش لاقي اجابة غير ان الاسلوب الوحيد عشان نضعف ونشل تاثير ائتلاف شباب الثورة اننا نعملهم اائتلافات كتييييييييييييير وبكده الحاكم والحكومة مش هيبقوا عارفين يسمعوا صوت مين فخلاص مش هنسمع من حد وبالتالي لو في مسالة كبيرة محتاجين الحكومة والمجلس العسكري يسمعوها لازم ننزل مليونية في التحرير ( اه صحيح كان نفسي ارد علي البنت في موضوع المليونيات وافهممها ان المليونية بتحصل لما الناس فعلا بتحس ان في حاجة غلط او تباطا وبتنزل انما هي مش خروجة واحد بيقول ياللا ننزل فننزل)
المهم انا بصراحة كنت ماشي في دوامة الفرخة ولا البيضة ااقصد الدستور ولا الانتخابات بس انا سمعت راي وائل خليل واقتنعت بيه ان لازم نسارع بانتخابات عشان يبقي في مجلس شرعي بيمثلنا (وسيبك بقي من فزاعة السلفيين والاخوان والله والله والله الشعب ده بيفهم ومفيش حد يعرف يوجهه ) لازم بقي يكون في مجلس يحاسب الحكومة يشوف ايه اخبار الموازنة العامة يتابع اجراءات المحاكمات يقترح اراء و ارائنا يوصلها عشان ننهض بالبلد دي . احنا خايفين ليه من الديموقراطية ليه كل اللي كانوا بيقولوا ديموقراطية ديموقراطية بقي بيقولوا نستني شوية الدستور نستني نعمل الرئاسية الاول انا مش فاهم ليه التاجيل
رااي المتواضع ان اللي بيخاف علي مصر وبيحبها يفكه بقي من الائتلاف والحوارات شوف مشروع من المشاريع التنموية اللي شغالة دلوقتي زي( مشروع تنمية العشوائيات و جامعة زويل وممر فاروق الباز) وابتدي اشتغل فيه حط فيه مجهودك افكارك او علي الااقل انشر الفكرة انما تفضل قاعد مكانك وتشتكي وتزعق وبس ده مينفعش
الشهيد يا سادة مات عشان البلد دي تنهض مش عشان نتخانق الدستور ولا الانتخابات ( مع ان ده طبعا خلاف مهم).
اخيرا بما اننا دولة دينها اسلامي والدين الاسلامي المصدر الرئيسي للتشريع احب تفعيل الحديث الشريف "من كان يؤمن بالله واليوم الاخر فليقل خيرا او ليصمت"
والله الموفق
ليست هناك تعليقات:
إرسال تعليق